鄧穎芝（Vangie）出道兩年以來鮮有緋聞，經常高調自稱單身兼恨有男孩追求，昨日她被記者撞破與EO2成員Eric親暱逛銅鑼灣，踢爆她散播「假煙幕」秘密拍拖，事後男方承認單獨約會，但Vangie卻死口不認拍拖。
剛簽了新經理人合約的Vangie工作量不多，閒時只出席一些小型公開活動，亦未見其出唱片的消息，雖然事業失意，但愛情卻十分得意。昨日下午三時，記者在銅鑼灣百德新街巧遇Vangie與屬同一經理人公司的Eric，一路上二人有講有笑，Eric更用手搭女友膊頭，陪同她入店內揀選服飾，雖然齋睇冇買，但沐浴愛河中的Vangie仍笑意盈盈。
一杯咖啡兩份飲 之後二人繼續在街上漫遊，Eric怕女友口渴，把手中的咖啡遞到女友口邊，二人一杯咖啡兩份飲，Vangie毫不避忌地飲男友「口水尾」，露出一臉樣，對認出自己的途人不加理會。情到濃時，Eric更以雙手為女友按摩肩膊，又為女友挽手袋，好讓她能順利地整理鞋帶，認真夠細心。
事後記者致電Vangie，她卻死口不認拍拖：「我係有去銅鑼灣，但只係同幾個女仔朋友去。（你唔係同Eric拍拖？）唔係……我朋友！」反而Eric大方承認與Vangie約會，且大讚對方性格爽朗，當問到是否拍拖？他表示：「我係『好朋友』！」
文：音樂小組
Eric搭鄧穎芝膊頭逛銅鑼灣，被踢爆二人秘密拍拖。